我初初都咁唸，應該係俾d電影同明星誤導左。
答案一半半啦，身材好著乜都好睇，當然包括旗袍；鬼妹身材夠正啦，但有邊個鬼妹/婆可以著旗袍著到張曼玉湯唯鞏俐既層次？印象又無乜。再講，張曼玉亦唔係36-24-36，但係個人認為張曼玉係近代旗袍既經典，旗袍師父的深厚功力居功不少。
好的旗袍版型讓人上天堂，壞的版型送人下地獄，一個厲害的旗袍師傅懂得隱惡揚善 。張曼玉的頸項比一般人長，估計大部分觀衆無察覺到，歸功旗袍師傅。如果大家留心望吓張曼玉張相，會發現佢嘅企領造得比正常高，修飾後完全唔覺佢條頸特別長。此為隱惡例子之一。揚善就唔多講，雖然張曼玉好瘦，但係件件旗袍佢都着到前冇古人後無來者。
圖：電影 - 花樣年華
旗袍有一種魔力，只要穿上對的旗袍，哪怕貌不驚人，身材平平，旗袍上身，照樣能明麗動人。好多人以為旗袍對身材要求特別高；其實佢地並不知道，旗袍能夠很好的遮擋女性身材的不足，展現女性玲瓏身材曲線。就好似金星老師咁，唔係標準模特兒身材，仲有啲啲肉地，雖然佢係變性人，但係我覺得佢好carry到旗袍，著得好有味道好好睇。
圖：網絡圖片。如果我唔係上網做research ，齋睇呢張相，
我真係萬萬估唔到金星老師之前係男兒身，因為真係一啲違和感都冇
旗袍另一美妙之處，穿得好看的不一定是模特兒明星，普通人只要穿對了，一樣可以抓住他人的眼球；在台灣街上偶爾看見別人穿旗袍，都會被她們深深吸引，甚至想舉起手機拍下她們的美態。就好似以下既女仔，亦唔係標準model身材，但係旗袍一著上身，就成個model咁，一顰一笑一舉手一投足，都覺得好吸引。
返嚟現實，而家喺香港搵旗袍師傅做衫其實一啲都唔平。師傅越黎越少，造旗袍越來越貴，亦可能因為咁樣越來越少人着旗袍。搵旗袍師傅比較適合好清楚自己想要咩或者對旗袍有特別要求既顧客。
正在考慮入手旗袍既女仕，可以考慮以下ready-to-wear 旗袍，價格較相宜，版型又唔錯，但一樣可以感受同散發旗裙既魅力。
Kommentare